Çelsi shënoi fitore kundër Liverpulit 2:0

Derbi i javës së 37-të të “Premier Ligës “ angleze ndërmjet Liverpulit dhe Çelsit që u zhvillua në stadiumin “Amfild” të Liverpulit, përfundoi me fitoren e Çeslit me rezultat 2:0. Me këtë fitore, Çelsi vazhdon të mbajë kreun e tabelës në “Premier Ligë”me 84 pikë.

Golin e parë për mysafirët e shënoi Didier Drogba në minutën e 33-të për të kaluar Çelsin në epërsi në 1:0.

Në pjesën e dytë, pas 10-të minutash lojë, Frenk Lampard shënoi golin e dytë për t’i dhënë fitoren Çelsit me rezultat 2:0.

Pas kësaj fitore, Çelsit i ka mbetur edhe një ndeshje për të zhvilluar deri në fund të këtij sezoni ku me 9 maj do të pres Viganin në stadiumin “Stamford Brixh” të Londrës dhe nëse arrin të shënojë fitore, do të shpallet kampionë i “Premier Ligës” angleze. /KNN/